ஜனநாயகம் என்ன ஆகிறது ?

உலகில் மிகப்பெரிய ஜனநாயக நாடு .ஐம்பது கோடி மக்கள் தங்களை ஆளுகின்ற தலைவரை தேர்ந்து எடுகிறார்கள் என்று உலக சமுதாயம் ஆச்சிரியப்பட்டு நிமிர்ந்து பார்கிறார்கள் .நாமும் காலரை தூக்கிவிட்டு பெருமைபடுகிறோம் .மின்னணு எந்திரம் மூலம் பல தேர்தல்களை சந்தித்து ஆயிற்று .இதில் பல தில்லு முல்லுகள் நடக்கிறது என்றும் அதிகாரம் தான் வெற்றி தோல்வியை நிர்ணயிக்கிறது என்று தோல்வி அடைந்த கட்சி வெற்றி அடைந்த கட்சியை பார்த்து கொக்கரிக்கிறது .
இதற்கு ஒரு சின்ன உதாரணம் சிவகங்கையில் சிதம்பரம் வெற்றி பெற்றதாக அறிவிக்கபட்டது .ஓட்டு சீட்டு முறையில் எண்ணும்போது மனித தவறுகள் நடக்க வாய்ப்புகள் ஏராளம் .ஆனால் மின்னணு வாக்கு பதிவில் எப்படி,இந்த ஓட்டு வித்தியாசத்தில் தோற்றவராக அறிவிக்கபட்டவர்,பின்னர் ஜெயித்தவராக அறிவிக்கபட்டார் சாதாரண வாக்காளனின் மில்லியன் டாலர் கேள்வி .

ஜனநாயகம் என்பது மக்களால் தேர்ந்தெடுக்க பட்டு மக்களால் ஆட்சி செய்யப்படும் முறை .ஆனால் அரசியல் வாதிகள் பரம்பரை ஆட்சியோ ?என்று கேள்வி எழுவதற்கு ஏற்ப நடந்து வருகிறார்கள் .மகாத்மா காந்தியோ,ஜவகர்லால் நேருவோ,காமராஜரோ ,அண்ணாவோ ,மற்ற சுதந்திர பேராட்ட தலைவர்களோ அவர்களுக்கு என்று எந்த அரசியல் வாரிசையும் உருவாக்கவில்லை .இந்திரா காந்தி காமராஜரால் அரசியலுக்கு இழுத்து வரப்பட்டவர் .

ஆனால் இன்று நடப்பது என்ன ?அப்பா முதல் மந்திரி என்றால் மகனும் பேரனும் வருங்கால முதல் மந்திரிகள் .திரும்பவும் மன்னர் பரம்பரை ஆட்சிவந்து விடுமோ என்ற ஐயம் எழுகிறது .மன்னர்கள் உடல் முழுதும் நகைகள் அணிந்து மக்களை பற்றி சிந்திக்காமல் அந்தபுரத்தில் ராணிகளுடன் கும்மாளம் இட்டார்கள் என்பது வரலாற்று செய்திகள் .பெரும் மன்னர்களுக்கு குறுநில மன்னர்கள் கப்பம் கட்டினர் .கிட்டத்தட்ட அதுபோல் தான் இப்போது நடக்கிறதோ என்றும் தோன்றுகிறது .
பெரிய கட்சி (மாமன்னர் ) மிகவும் வருமானம் தரக்கூடிய தொழில் துறைகளில் முதலீடு செய்துவிட்டு சட்டத்தை வளைத்து அதிகாரத்தை பயன்படுத்தி ,குறுநில மன்னர்கள் (சிறுகட்சிகள் )துணையுடன் ஆட்சியை பிடித்துவிட்டு பிறகு குறுநில மன்னர்களை அடிமையாக வைத்து கொண்டு சொகுசு வாழ்க்கை வாழ்கிறார்கள் .
மத்தியில் ஆட்சியில் பங்கு கேட்பவர்கள் மாநிலத்தில் ஆட்சி அதிகாரத்தை பங்கு போட விரும்புவதில்லை (தி மு க VS காங்கிரஸ் )

இந்தியா முழுவதும் உள்ள அரசியல் தலைவர்கள் தனக்கும் தனது பரம்பரைக்கும் சொத்து சேர்பதுடன் தனது சொத்தை பாதுகாக்க தனது வாரிசை அரசியலுக்கு கொண்டு வருகிறார்கள் .கட்சிக்காக உழைக்காமல்,மக்கள் பிரச்சினைக்காக போராடாமல் சிறை வாசம் அனுபவிக்காமல் சிறுவயதிலிருந்தே சொகுசு வாழ்க்கை வாழ்ந்த அரசியல்வாதியின் வாரிசு நேரடியாக தலைவர் பதவிக்கு வந்து முதல் அமைச்சராகவும் ஆகி விடுகிறான் .

அடிமட்டத்தில் இருந்து மக்களோடு மக்களாக கலந்து மக்கள் பிரச்சினைகளுக்காக போராடி காவல் நிலையத்தில் லத்தி அடி வாங்கி ரத்தம் சிந்தி அரசியல் ஞானம் கற்று தெளிந்து அரசியல் தலைவரின் கோட்பாடுகள் (?)கொள்கைகள் (?) போன்றவைகளை மேடைகளில் முழங்கி வழக்குகளால் முடக்கப்படும் உண்மையான மக்கள் தொண்டன் கடைசி வரை அடிமட்ட தொண்டனாகவே இறந்து போகிறான் .

ஒவ்வொரு தொண்டனும் சிந்திக்க வேண்டிய தருணம் இது